يـابو جفون البراري البيه صيد صكور ورموشــك شلب وظيع الخيال
تيهت الحقيقه وصار عندي اوهام شعرك على متونك لو مشمر الشال
عشكك مرض بيه وصار ويه الريح نشرته السوالف وراح يعدي اجيال
جنك مدري شنه اهواي ضاعن بيك واظلم حاجبك لو كلت جنه اهلال
وشلم شعرك لوحدي وهل خذاني الليل ظل باجر واجيب من الصبح عمال
ياهو الي يلومك لو تضل اليوم قانون العشاير والحرام انشال
انا ديان الضماير والفتاوه البيض وافتيلك بضلتك ماعليها اشكال
انا جبال الكرامه اعترف بس ذليت من شفت على صدرك ناضجات تلال
لسمعك شعر ياسمر لاتظن مسموع واغنيلك قصيده ودارمي وموال
ووشل الليل كله وياك وسكربيك وانعل ابو بليسك موش لعب اعيال